Counsellingatkollam

 ഹണി ട്രാപ്പ് അശ്വതി അച്ചു എന്നൊരു സ്ത്രീ കുറച്ചു കാലമായി കേരളത്തിലെ  പല പുരുഷ പോലീസ് ഓഫീസര്‍മാരേയും രാഷ്ട്രീയക്കാരെയും പണക്കാരേയും വലയില്‍ വീഴ്ത്തിക്കൊണ്ടെയിരിക്കുന്നു.  കഴിഞ്ഞ അഞ്ചുവര്‍ഷമായി  ഈ സ്ത്രീയുമായി ബന്ധപ്പെട്ട ഹണി ട്രാപ്പ് വീഡിയോകള്‍ യുട്യൂബില്‍ ലഭ്യമാണ്.  നിര്‍ഭാഗ്യവശാല്‍ നമ്മുടെ നാട്ടിലെ ആബാലവൃദ്ധത്തിനും ഈ കഥാപാത്രത്തെ ഇനിയും അറിയില്ല.  ചിലര്‍ക്കെങ്കിലും ഇവരുടെ കേളീവിലാസങ്ങള്‍ അറിയാമെങ്കിലും കെണിയില്‍ പെട്ടുകഴിഞ്ഞാണ് ആളെ തിരിച്ചറിയുക.  എലീന കഴിഞ്ഞ രണ്ടു മാസമായി ദേവാലയങ്ങളിലാണ് സമയം ചെലവഴിക്കുന്നത്.  മനസ്സമാധാനം പൂര്‍ണ്ണമായും നശിച്ച അവസ്ഥ. കയ്യിലുള്ള കൊന്തയുടെ മണികള്‍ സംസാരിക്കുന്നതിനിടയിലും ഉരുളുന്നുണ്ട്.   എലീനയും എല്‍ട്ടനും യെഎസ്സില്‍ നേഴ്സായി ജോലിചെയ്യുകയാണ്. നല്ല ഓജസ്സുള്ള രണ്ടു കുട്ടികളും അവരുടെ രണ്ടു പൂച്ചകളുമടങ്ങുന്നതാണ് കുടുംബം.  എലീനയുടേയും എല്‍ട്ടന്റേയും മാതാപിതാക്കളെ കാണാനായും നാടിനോടുള്ള ബന്ധം കുട്ടികള്‍ക്ക് അറ്റുപോകാതിരിക്കാനായും ഓരോ വര്‍ഷവും അവര്‍ നാട്ടിലെത്താറുണ്ട്.  ഇരുവരുടേയും മാതാപിതാക്കളും കുഞ്ഞു...

 ദുരന്തസ്മരണകള്‍ളോട് വിട മനുഷ്യന്റെ വ്യക്തിത്വം നിയന്ത്രിക്കുന്നത് അവന്റെ ഇന്ദ്രീയങ്ങള്‍ വഴി തലച്ചോറിലെത്തുന്ന സന്ദേശങ്ങളാണ്.  ഓരോ ശബ്ദവും, ചിത്രവും, ഗന്ധവും, സ്പര്‍ശനവും രുചിയുമെല്ലാം പരസ്പരം ആശയവിനിമയം ചെയ്തതിന്റെ ആകെത്തുകയാണ് ആ നിമിഷത്തിലെ വ്യക്തി.  തലച്ചോറിലെത്തുന്ന സന്ദേശങ്ങളില്‍ ഹാനികരമായ വിധത്തില്‍ എന്തെങ്കിലും സന്ദേശമുണ്ടെങ്കില്‍ അത്തരം സന്ദേശങ്ങള്‍ തലച്ചോറില്‍ പ്രതിബിംബിക്കുകയും ആ വ്യക്തിയുടെ ചിന്താരീതിയിലും സ്വഭാവത്തിലും വ്യതിയാനം സംഭവിക്കുകയും ചെയ്തേക്കാം. എന്താണ് തനിക്ക് പറ്റിയതെന്നോ എങ്ങനെ അതില്‍നിന്നും കരകയറാമെന്നോ യാതൊരു ഊഹവും കാണുകയുമില്ല.  മോനു എന്നാണ് അവനെ സുഹൃത്തുക്കള്‍ വിളിച്ചിരുന്നത്.  സ്‌കൂള്‍ കലോത്സവങ്ങളില്‍ നിറഞ്ഞുനിന്ന പ്രതിഭ. സഹപാഠികളുടേയും അദ്ധ്യാപകരുടേയും അഭിമാനവും അഹങ്കാരവുമായ മോനുവിന്റെ വടിവൊത്ത ശരീരവും അനായാസ ചലനങ്ങളും ഭാവപകര്‍ച്ചയുമെല്ലാം മറ്റു പലര്‍ക്കും അസൂയയ്ക്കാണു വഴിമരുന്നിട്ടത്. പ്ലസ്സ് 2 വരെ അവന് സ്വാഭിമാനത്തിന് അതിരുകളില്ലായിരുന്നു.  അദ്ധ്യാപകരുടെ പ്രശംസകള്‍ വേണ്ടതിലേറെ അനുഭവിച്ചിരുന്ന അവന്‍ വളരെ പ്രതീക്ഷകളോടെയാണ് തമി...

  നിര്‍ബന്ധ ചിന്തകളുടെ തടവറ നിക്കിനെ കുളിക്കാന്‍ മടിയാണ്.  എത്ര വഴക്ക് പറഞ്ഞിട്ടും കാര്യമില്ല. തീരെ അനുസരണയില്ല. ഇവന് അഹങ്കാരമല്ലാതെ പിന്നെന്താ? മനുഷ്യന് വൃത്തിയും വെടിപ്പും വേണ്ടേ. പട്ടികളും പൂച്ചകളും പക്ഷികളും എത്ര ഭംഗിയായാണ് ദേഹശുദ്ധി വരുത്തുന്നത്. വിയര്‍പ്പ് മണം അസഹനീയമായിരിക്കുന്നു. നിക്കിന്റെ പപ്പ മകനെ ശകാരിച്ചുനോക്കി, അടികൊടുത്തു. പട്ടിണിക്കിട്ടു. അവന്റെ കൂട്ടുകാരെക്കൊണ്ട് പറയിപ്പിച്ചു.  പക്ഷെ ഒരു കുലുക്കവുമില്ല.  നിക്കിന് 17 വയസ്സാണിപ്പോള്‍. +2 കഴിഞ്ഞശേഷം അവന് യാതൊന്നിനും താല്പര്യമില്ല. അവനെ പറഞ്ഞുമനസ്സിലാക്കി അനുസരണയും വൃത്തിയുമുള്ളവനാക്കി തുടര്‍ പഠനത്തിന് പ്രേരിപ്പിക്കണം.  അതിനായാണ് മാതാപിതാക്കള്‍ അവനെ കൗണ്‍സലിംഗിന് കൊണ്ടുവന്നിട്ടുള്ളത്.  അത്രയൊന്നും പ്രശ്നമുള്ള കേസ്സല്ല ഇതെന്ന ധാരണയിലാണ് അവന്റെ മാതാപിതാക്കളോട് സംസാരിച്ചപ്പോള്‍ തോന്നിയത്.  പക്ഷെ അവര്‍ പറയുന്നത് പോലുള്ള പ്രശ്നമല്ല നിക്കിന്റേതെന്ന് അവനോട് സംസാരിച്ചുതുടങ്ങിയപ്പോഴെ മനസ്സിലായി. നിക്കിന്റെ മടി കൊണ്ടൊ അഹങ്കാരം കൊണ്ടൊ അല്ല അവന്‍ കുളിക്കാത്തത്. കുളിക്കാന്‍ തുടങ്ങിയാല്‍ പിന്നെ തലച്ചോറ്...

  സോജന് പ്രമിതയുടെ നീട്ടിവളര്‍ത്തിയ നഖങ്ങളെ ഭയമാണ്. അവന്റെ സ്വപ്നങ്ങളിലെല്ലാം പ്രമിതയുടെ കട്ടികൂടിയ നഖങ്ങള്‍ മാരകായുധമായി രൂപാന്തരം പ്രാവിച്ചു അവനെ ആക്രമിക്കാറുണ്ട്. സോജന്‍ അവധിക്കാലം ചെലവിടാനായാണ് വീട്ടിലെത്തിയത്. രാത്രിയില്‍ സ്വപ്നം കണ്ട് ഭയന്ന്  ഉറക്കംമുണര്‍ന്ന അവന്‍ സഹോദരനെ വിളിച്ച് വെള്ളം ആവശ്യപ്പെടുകയായിരുന്നു.  എവിടെയൊ എന്തോ അക്ഷരത്തെറ്റുണ്ടെന്ന് തോന്നിയ സഹോദരനാണ് അവനോട് ഭാര്യയേയും കൂട്ടി കൗണ്‍സലിംഗിന് പോകാന്‍ നിര്‍ബന്ധിച്ചത്.   സോജന്‍ എം.ടെക്ക് ഐ.ഐ.ടിയിലാണ്  ചെയ്തത്. പഠനശേഷം ദുബായിലുള്ള ഒരു നല്ല കമ്പനിയില്‍ ജോലിയും കിട്ടി.  പ്രമിതയെ പരിചയപ്പെട്ടത് ഒരു ഫ്ളൈറ്റ് യാത്രയിലാണ്. അവള്‍ മറ്റൊരു കമ്പനിയിലെ എച്ച്.ആര്‍ മാനേജര്‍ ആയിരുന്നു. സൗഹൃദം വളര്‍ന്ന് ഇരുവരും ജീവിതപങ്കാളികളായി.   പ്രമിതയ്ക്ക് അനിഷ്ടമുള്ള എന്തെങ്കിലും വാക്കോ പ്രവര്‍ത്തിയോ ഭര്‍ത്താവായ സോജനില്‍നിന്നുണ്ടായാല്‍ അപ്പോള്‍ അവള്‍ ആവശ്യപ്പെടുക ഒരു തുറന്ന സംസാരമാണ്.  വളരെ ബുദ്ധിപൂര്‍വ്വമായ ഇടപെടലാണെന്നെ ആര്‍ക്കും തോന്നു. വളരെ ചെറിയ കാര്യങ്ങളില്‍ ആണ് സംസാരം തുടങ്ങുക. പിന്നെ താളം കൊ...

 Affective Realism നമ്മുടെ മനസ്സിലുള്ളത് തന്നെയാണ് നമ്മുടെ ചുറ്റിലും നമ്മള്‍ കണ്ടെത്തുക. പലരും ചതിയില്‍ പെടുന്നതെന്തുകൊണ്ടാണ്. ഞാന്‍ വിശ്വസിച്ചു അയാളെ. പക്ഷെ ഇങ്ങനെ ചതിക്കുമെന്ന് കരുതിയില്ല. ഇവള്‍ ഇത്തരക്കാരിയാണെന്ന് കരുതിയില്ല  എന്നൊക്കെ നമ്മള്‍ വിലപിക്കുന്നതെന്തുകൊണ്ടാണ്.  നമ്മുടെ മനസ്സിലുള്ളത് തന്നെയാണ് നമ്മുടെ ചുറ്റിലും നമ്മള്‍ കണ്ടെത്തുക എന്നതാണ് ഇതിന് കാരണം.  പലപ്പോഴും ചതിയില്‍ പോയി ചാടുക നിഷ്‌ക്കളങ്കരായിരിക്കുകയും ചെയ്യും.  നമ്മുടെ മനസ്സില്‍ വളരെ കുഞ്ഞു പ്രായം മുതല്‍ പഞ്ചെന്ദ്രീയങ്ങളിലൂടെ കടന്നു കൂടുന്ന ഓരോ സന്ദേശവുമുപയോഗിച്ചാണ്  നാം ലോകത്തെ കാണുക.  പുതിയതായി തലച്ചോറിലെത്തുന്ന സന്ദേശങ്ങള്‍ വീണ്ടും വീണ്ടും തലച്ചോറില്‍ ശഖരിക്കപ്പെടുകയും നമ്മുടെ അറിവുകള്‍ കൂടുകയും അത് നമുക്ക് ചുറ്റിലുമുള്ള ലോകത്തെ കൂടുതല്‍ എളുപ്പത്തില്‍ മനസ്സിലാക്കാന്‍ നമ്മെ പ്രാപ്തമാക്കുകയും ചെയ്യും.  നമ്മുടെ വികാരങ്ങളും ഭക്തിയുമെല്ലാം നമ്മള്‍ എന്തു കാണുന്നു, എന്തു കേള്‍ക്കുന്നു, എന്ത് ചിന്തിക്കുന്നു എന്നതിനെയെല്ലാം ഒരു പരിധിവരെ നിയന്ത്രിക്കുന്നുണ്ട്.  വളരെ അന്തവിശ്വാസിയ...

റയാനയുടെ ദുഃഖം റയാനയുടെ മാതാപിതാക്കള്‍ അറിയപ്പെടുന്ന ഡോക്ടര്‍മാരാണ്.  അവരുടെ ജോലിയോട് റയാനയ്ക്ക് മതിപ്പാണെങ്കിലും സാഹിത്യത്തോടായിരുന്നു അവള്‍ക്ക് ഇഷ്ടവും അടുപ്പവും എല്ലാം. സ്‌കൂളില്‍ പോകാന്‍ തുടങ്ങും മുമ്പെ തുടങ്ങിയതാണ് അവളുടെ സാഹിത്യപ്രണയം. രണ്ടാം ക്ലാസ്സിലെത്തിയപ്പോഴേക്കും കിട്ടിയ ബാലസാഹിത്യമത്രയും വായിച്ചുതീര്‍ത്തിരുന്നു. പിന്നെ വായന കുറച്ചുകൂടി ഗൗരവമുള്ളതായി.  ഭക്ഷണം കഴിക്കണമെങ്കിലും ഉറങ്ങണമെങ്കിലുമൊക്കെ റയാനയ്ക്ക് പുസ്തകം വേണം.  അവള്‍ക്ക് കഥകള്‍ പറഞ്ഞു കൊടുക്കുന്നത് അമ്മയല്ല, മറിച്ച് അമ്മയ്ക്ക് കഥകള്‍ പറഞ്ഞുകൊടുക്കുന്നത് റയാനയാണ്.  അവള്‍ നാലില്‍ എത്തിയപ്പോള്‍ റയാനയക്ക് ഒരു സഹോദരന്‍ ജനിച്ചു.  തനിക്ക് കളിക്കാന്‍ ഒരാളെ കിട്ടിയപ്പോള്‍ അവള്‍ മതിമറന്നാഹ്ലാദിച്ചു. സദാ കുഞ്ഞിന് കാവലിരിക്കാന്‍ തുടങ്ങി. റോജിന്‍ എന്ന് അവനെ പേരുചൊല്ലി വിളിച്ചത് അവളാണ്. ഇപ്പോള്‍ റയാനയ്ക്ക് എന്താണ് സംഭവിക്കുന്നത് എന്ന് മാതാപിതാക്കള്‍ക്ക് മനസ്സിലാകുന്നില്ല. തീരെ സംസാരിക്കാറില്ല. പാഠപുസ്തകം തുറക്കുന്നില്ല. മറ്റു പുസ്തകങ്ങള്‍ വായിക്കുന്നതില്‍ കുറവൊന്നുമില്ലതാനും.  എന്തെങ്കിലും ചോദിച്ചാ...